Hanjuang ti Kutamaya: Sempalan Carita Babad Sumedang (Kelas X)

Hanjuang Beureum ti Kutamaya:

Sempalan Babad Sumedang

Hanjuang beureum (sumber google image)

        Kacaturkeun Karajaan Sumedang téh dirurug ku pasukan Karajaan Cirebon. Ari sababna, pangéran Geusan Ulun (Raja Sumedang) ngiwat Ratu Harisbaya, istri Pangéran Girilaya (Raja Cirebon). Méméh ngarurug Sumedang, pasukan ti Cirebon téh ngaraso heula, ngarumpul di hiji tempat anu tiiseun. Maksudna mah bari rék ngatur siasat.

        Kacaturkeun Aki Sayang Hawu, patih Karajaan Sumedang lar ngaliwat tempat panyumputan pasukan Cirebon téa. Kacida reuwaseunana. Tuluy bae Aki Sayang Hawu téh atuh nyamar jadi aki-aki baramaén, leumpangna ogé jajarigjeugan bari mawa iteuk. Tuluy ngadeukeutan pasukan Cirebon.

        “Ieu téh pasukan ti mana? Naha nyarumput di dieu?”

        “Lamun Aki hayang nyaho, kami téh ti Cirebon. Arék ngarurug Sumedang. Arék maéhan Prabu Geusan Ulun,” ceuk salasaurang prajurit.

        Ngadéngé jawaban kitu, geuwat Aki Sayang Hawu indit. Kituna téh tetep wéh nyamar jadi aki-aki baramaén. Sanggeus jauh ti nu ngumpul téa, leumpang ngabelesat kawas kilat. Maksudna rék geuwat bébéja ka Prabu Geusan Ulun.

        Sadatangna, pok Ki Sayang Hawu unjukan,”Kanjeng Prabu, di leuweung aya pasukan Cirebon rek ngarurug. Tapi teu kudu salempang, kuring siap jadi taméng. Jurungkeun waé, pasti kuring bakal bisa ngéléhkeun pasukan Cirebon!”

        “Kaula percaya ka Aki, tapi tetep kudu mawa balad!” ceuk Prabu Geusan Ulun.

        “Mangga. Ngan kuring aya paménta. Bade melak hanjuang beureum di alun-alun karaton. Éta téh pertanda, mun éta hanjuang daunna garing, tandana kuring éléh. Tapi mun éta hanjuang daunna angger, hartina kuring masih kénéh hirup.”

        “Heug!” ceuk Prabu Geusan Ulun.

        Cedok Ki Sayang Hawu nyembah, terus indit néangan hanjuang. Hanjuang téh dipelakkeun di alun-alun. Geus kitu mah arindit, dibaturan ku tiluan: Ki Nangganan, Ki Kondang Hapa, jeung Ki Térong Péot.

        Kacaturkeun Ki Sayang Hawu jeung baturna nu tiluan geus nepi ka tempat pasukan Cirebon kumpul. Teu loba tatanya, dér wéh perang campuh. Opatan ngalawan ratusan. Tapi teu ieuh éléh najan opatan ogé, lantaran Ki Sayang Hawu ngawatek ajian weduk banyu jeung halimunan. Ajian weduk banyu téh mun dikadék lir cai, liput sapada harita. Ari halimunan mah bisa ngaleungit ngadadak. Antukna mah pasukan Cirebon téh éléh. Nungtutan lalumpatan kamana daék. Tuluy dibarerik ku nu opatan. Ki Sayang Hawu papisah jeung baturna anu tiluan, sabab masing-masing jongjon ngabeberik musuh. Perangna tilu poé tilu peuting. Saréngséna perang, nu tiluan teu kungsi panggih jeung Ki Sayang Hawu. Ki Nangganan nu pangheulana balik téh. Tuluy waé bébéja ka Prabu Geusan Ulun . kajadian di peperangan dicaritakeun taya nu kaliwat. Waktu Prabu Geusan Ulun nanyakauen ngeunaan Ki Sayang Hawu, Ki Nangganan teu ngajawab. Da mémang teu apaleun téa. Nya dicaritakeun wé kajadian sabenerna.

        “Boa-boa perlaya,” ceuk Parbu Geusan Ulun.

        “Duka atuh, kirang terang lebah dinyana mah,” témbal Ki Nangganan.

        Ngadéngé jawaban Ki Nangganan kitu, hate Prabu Geusan Ulun mimiti dilimpudan kasieun. Sieun pasukan Cirebon ngarebut karaton tur maéhan dirina. Teu lila terus waé ngajak pindah ka sakumna eusi nagara. Ngajugjug ka suku gunung Rengganis, di daérah Dayeuh Luhur.

        Kacaturkeun Ki Sayang Hawu nu disangka perlaya, saéstuna mah waktu harita pahibut ngudag musuh, Ki Sayang Hawu teu ngaberik musushna. Antukna Ki Sayang Hawu téh balik deui ka tempat perang mimiti, bari néangan baturna nu tiluan téa. Digeroan euweuh waé. Panyangkana nu tiluan téh tos perlaya. Padahal Ki Nangganan sabatur-batur mah baralik ti heula. Haténa sedih kacida. Geus puguh kitu mah tuluy balik ka Sumedang. Ngan barang nepi ka Sumedang, kasampak di karaton euweuh sasaha. Nagara gé tiiseun, euweuh jelema saurang-urang acan. Nempo kaayaan kitu, ras Ki Sayang Hawu téh inget ka jangjina ngeunaan tangkal hanjuang. Tuluy ditéang. Tangkal hanjuang nu dipelak ku manéhna di alun-alun téh hirup kénéh.

        Ceuk pikirna, “Prabu Geusan Ulun téh henteu nempo hanjuang. Henteu nurut kana papatah aing.”

        Ti dinya terus indit, néangan urang Sumedang nu arindit ka mana. Teu kungsi lila, papanggih jeung jelema nu lalar liwat. Kakara waé meunang béja yén ayeuna téh caricingna di Dayeuhluhur.

        Tina nyeuri peurih asa dihianat, Ki Sayang Hawu leumpangna gagancangan. Jog baé ka Dayeuhluhur. Gancang ku Prabu Geusan Ulun dibagéakeun.

        “Bagéa Aki,” ceuk Prabu Geusan Ulun.

        Ki Sayang Hawu teu ngajawab. Teu lila pok ngomong, sorana ngageter, “Kunaon Kanjeng Prabu ngalih?”

        “Demi nyalametkeun diri, euweuh deui cara kudu pindah nagara. Alesanana mah kuring meunang béja yén Aki téh perlaya di peperangan,” ceuk Prabu Geusan Ulun.

        “Kapan kuring geus nyieun tanda ku tangkal hanjuang?”

        “Kuring téh poho. Komo sanggeus papanggih jeung batur Aki nu tiluan nyebutkeun teu panggih deui jeung Aki, teg wé kuring téh Aki geus perlaya,” ceuk Prabu Geusan Ulun.

        Harita Aki Nangganan aya, milu ngariung. Barang karéréteun ku Aki Sayang Hawu, geuwat dirontok. Ditubles ku kujang pusaka. Nempo kajadian kitu, Prabu Geusan Ulun teu bisa kukumaha. Teu lila ti harita, Aki Sayang Hawu indit kaluar ti karaton bari pokna,” Aing cadu moal ngawula ka nu teu tumarima.”

        Nepi ka maotna, urang Sumedang euweuh nu apaleun di mana tempatna. Ngan ceunah Ki Sayang Hawu téh sabenerna mah teu maot., tapi tileum di Kabuyutan Dayeuhluhur. Nepi ka kiwari tempat paragi tilemna loba nu ngajarahan, ngan aya pantangna, ulah make batik motif Jawa atawa motif Cirebon.***

Dicutat tur diropéa tina buku Kandaga Carita (2009)

Karya Rani Rabiussani kaca 48-50

Kandaga Kecap

dirurug ngiwat baramaén jajarigjeugan maéhan  geuwat bébéja salempang balad éléh angger arindit perang campuh najan ngawatek dikadék liput sapada harita ngaleungit Antukna Nungtutan lalumpatan kamana daék dibarerik jongjon ngabeberik musuh Saréngséna  teu kungsi panggih pangheulana Boa-boa perlaya dilimpudan kasieun sakumna saéstuna pahibut ngudag musuh kasampak tiiseun karéréteun Aing cadu moal ngawula ka nu teu tumarima ngajarahan

diserang menculik pengemis tertatih-tatih membunuh segera memberitahu/bercerita khawatir pasukan kalah tetap saja pergi perang berkecamuk meskipun memiliki ditebas senjata tajam hilang saat itu juga menghilang akhirnya bergantian berlarian kemana saja maunya dikejar-kejar (masing-masing) focus mengejar musuh Selesai tidak sempat bertemu paling dahulu mungkin sudah tewas diliputi rasa takut seluruh sebenarnya sibuk mengejar musuh Nampak/terlihat sunyi sekilas terlihat/melirik saya pantang berbakti kepada orang yang tidak tau berterimakasih menjiarahi

RARANGKEN BARUNG KA-AN (KELAS XI)

RARANGKÉN BARUNG KA-AN

Rarangkén barung nyaéta rarangkén anu dipakéna babarengan pikeun ngawangun guna (fungsi) jeung harti kecap. Ciri utama rarangkén barung nyaéta: upama salasahiji rarangkénna dilaan, éta kecap téh teu bisa madeg mandiri.

Rarangkén barung béda jeung rarangkén gabung. Ari rarangkén gabung mah mangrupa gabungan dua rarangkén atawa leuwih anu ngawangun guna jeung harti kecapna henteu babarengan. Cirina: upama salasahiji rarangkénna dilaan, tetep mibanda harti mandiri. Bisa disebutkeun kieu: rarangken anu digabungkeun kana wangun dasar anu geus dirarangkénan. Jadi henteu babarengan cara dina rarangkén barung.

Rarangkén ka—an mangrupa salah sahiji rarangkén barung (konfiks) pikeun ngawangun kecap-kecap rundayan dina Basa Sunda. Sacara umum rarangkén ka—an ngawangun kecap barang.

Rarangkén ka—an: warna jeung harti kecap nu diwangunna
Warna kecap	Harti	Conto
barang	"hal anu patali jeung ... " atawa "anu sipatna ... "	kaéndahan, kageulisan, kaamanan, kajayaan, kaagungan, kanyataan, kapastian
barang	"anu di-... " atawa "anu di-...-keun "	kaolahan, kaperluan, kapentingan
barang	"tempat (anu patali jeung) ... "	kacamatan, kabupatén, kalurahan, kawedanaan, karésidénan
pagawéan pasif	"teu kahaja ... " atawa "teu kahaja keuna ku (pagawéan)... "	kakotoran, kacaahan, kadiukan, kaancikan, kabangsatan, kacopétan
pagawéan pasif	"teu dihaja aya dina kaayaan ... "	kalaparan, kakurangan
pagawéan pasif	"bisa di-...-an "	kacumponan, katedunan
sipat	"bisa di-...-keun "	kabuktian
sipat	"teu dihaja ... " atawa "teu dihaja keuna ku ... "	kabeneran, kalepasan, kapanasan, katiisan, kabeurangan, kapeutingan

Conto dina kalimah:

1.       Kecap pagawean anu make imbuhan ka-an jadi kecap pagawean pasif, saperti kanyahoan, karacunan. Conto kalimahna : Kamari aya lima orang anu karacunan ku sampeu.

2.       Conto kecap kaayaan nu make imbuhan ka-an saperti kaamisan, kaasinan. Conto kalimahna : Atuh eta nyieun cikopi teh ulah kaamisan teuing geura.

3.        Conto kecap barang anu make imbuhan ka-an saperti kamajuan, kanyataan. Conto kalimahna : Ari pambangunan teh kuduna mah ditujukeun pikeun kamajuan urang sarerea, lain ngan saukur pikeun sakelompok jelema wungkul.

Brainly.co.id - https://brainly.co.id/tugas/1037128

https://su.wikipedia.org/wiki/Rarangk%C3%A9n_barung

Warta Sunda (Marshanda Caesaria XI IPA 1)

Praktik Maca Warta

RUBRIK PENILAIAN MEMBACA PUISI/SAJAK

Kriteria Penilaian

Skor (100)

Intonasi  Intonasi sesuai dengan jeda yang tepat Intonasi sesuai namun jeda tidak tepat Intonasi tidak sesuai namun jeda tepat Intonasi tidak sesuai dan jeda tidak tepat 2.                  Suara  Suara terdengar jelas,disesuaikan nadanya dengan suasana dalam puisi Suara jelas namun tidak sesuai nadanya dengan suasana dalam puisi Suara tidak  jelas namun menyesuaikan nadanya dengan suasana dalam puisi Suara tidak jelas,nada tidak sesuai dengan suasana dalam puisi 3.                  Keberanian  Tampil berani,percaya diri Tampil berani namun kurang percaya diri Kurang percaya diri Tidak percaya diri 4.                  Ekspresi Gerakan anggota badan dan mimik wajah sesuai dengan suasana puisi Gerakan anggota badan sesuai,namun mimic wajah tidak sesuai Tidak ada gerakan anggota badan namun mimic wajah sesuai Tidak ada gerakan anggota badan dan ekspresi mimik wajah 5.                  Penghayatan  Menjiwai puisi dan tidak terpengaruh dengan penonton Menjiwai puisi namun masih terpengaruh penonton Kurang menjiwai puisi Tidak menjiwai puisi

20 17,5 15 12,5 20 17,5 15 12,5 20 17,5 15 12,5 20 17,5 15 12,5 20 17,5 15 12,5

https://docs.google.com/file/d/0B73HWmJ-LiCgSWdzTGR1QWNYS3M/edit

Sejarah Kabupaten Bogor

Sejarah Kabupaten Bogor

Carita Babad Sumedang | Kemelut Cinta Prabu Geusan Ulun dan Ratu Haris Baya

CARITA BABAD SUMEDANG
Kemelut Cinta Prabu Geusan Ulun dan Ratu Haris Baya

Sejarah Romantis antara Prabu Geusan Ulun Sumedang Larang dengan Ratu Haris Baya -Istri Sultan Cirebon.

Naskah Carita Babad Sumedang (CBS)sesuai dengan nama dan jenisnya sebagai babad sudah barang tentu mengandung unsur-unsur sejarah di dalamnya.

Sejarah yang diperoleh dari karya-karya tulis ini dapat membantu kita dalam usaha mempelajari, mengetahui, memahami kebudayaan dan peradaban masa lampau.

Materi Carita Babad Bagian ka-2 : Conto-conto Judul Carita Babad, Sebara...

Ieu video ngajelaskeun ngenaan materi Carita Babad (Bagian kahiji) pikeun pangajaran Basa Sunda di tingkat SMA, nu eusina ngeunaan: 

1. Conto-conto Judul Carita Babad 

2. Sejarah Sebaran Karajaan Sunda 

3. Définisi "Ratu" Dina Istilah Karajaan Sunda.

Materi Carita Babad Bagian Ka-1 : Medar Perkara Babad, Jenis Babad, Stru...

Ieu video ngajelaskeun ngenaan materi Carita Babad (Bagian kahiji) pikeun pangajaran Basa Sunda di tingkat SMA (kelas X), nu eusina ngeunaan: 

1. Medar Perkara Babad 

2. Asal-Usul Babad 

3. Jenis-jenis Babad 

4. Struktur Carita Babad

NOVEL (MATERI)

Novel nya eta karya rekaan (fiksi) dina wangun prosa. Umumna eusi novel teh panjang, henteu pondok kawas carita pondok(carpon). Kusabab panjang, galur caritana atawa plotna ngarancabang(loba). Ku kituna bisa midangkeun rupa-rupa tokoh(palaku), kajadian, sarta laluasa medar karakter masing-masing tokohna. Eusina ngindung kana kajadian sapopoe. Jadi henteu kawas dongeng, sanajan sarua fiksi, carita dina novel mah kaharti ku akal teu siga dongeng.

Novel Sunda nu mimiti medal nya éta Baruang Kanu Ngarora nu ditulis ku D.K. adiwinata dina taun 1914, dipedalkeun ku Balai Pustaka. Novel Sunda lain pangaruh tina sastra Indonesia, sabab novel dina basa Indonesia mah kakara aya dina taun 1920 (Azab dan sengsara, Merani siregar).

Carita dina novél biasana mah sok dipasing-pasing dina bab atawa bagian.dumasar kan caritana, novel bisa dipasing-pasing jadi:

1. Novel silih asih               : nu nyaritakeun cinta asmara palaku utama
2. Novel kulawarga             : nyaritakeun masalah kulawarga palaku utama
3. Novel sosial                    : nyaritakeun atawa nyoko kana masalah sosial masarakat
4. Novel misteri                  : nyaritakeun hal-hal nu ngandung rusiah
5. Novel sajarah                  : nyaritakeun kajadian sajarah
6. Novel jiwa/psikologi       :nyaritakeun kayaan kajiwaan

Sababraha pangarang novel Sunda:

1. D.K. adiwinata                               : Baruang kanu Ngarora
2. Joehana                                           : Carios Agan Permas
3. R.Memed Sastrahadiprawira          : Pangéran Kornel
4. Ahmad Bakri                                  : Payung Butut
5. Yosef Iskandar                                : Perang bubat

Ciri-ciri novel:

Di urang mah rajeun dibedakeun antara novel jeung roman teh. Biasana karya roman dianggep leuwih panjang jeung lengkep batan novel. Tapi, sebenerna mah novel jeungroman teh eta-eta keneh. Ciri-ciri novel nu pangpentingna nya eta:

1.   Wangunna prosa(fiksi) panjang, jauh leuwih panjang batan carpon. 

      Keur ngagampangkeun, upama dicitak cukup keur sabukueun. Upama dibaca nepi ka tamat, 

      moal cukup satengah jam.

2.  Ku sabab panjang, tokohna loba sarta kajadian nu dicaritakeunana biasana rupa-rupa.

3. Jejer jeung eusina nyaritakeun kahirupan sapopoe.

Unsur-unsur dina Novel

A. Unsur Intrinsik.

      Ari unsur intrinsik mah unsur nuaya dina jera caritana. Unsurna tiasa diteang dina dialog-dialog 

      palakuna. Dina narasi-narasina, jsb. 

      Unsur-unsur instrinsik dina novel nya eta:

1. Téma               : ideu poko carita atawa alpukah utama 
2. Amanat           : talatah moral anu hayang ditepikeun pengarang ka pamaca
3. Jejer atawa penokohan : sipat atawa watek
4. Kasang            : tempat, wayah, kaayaan. kumaha carita éta nyokot settingna
5. Sudut pandang : posisi pengarang dina carita.
6.  Galur : jalanna ca rita

Aya galur maju, galur mundur jeung  galur campuran.

• Galur maju : carita anu dimimitian ti mimiti nepi ka ahir kajadian
• Galur mundur : carita anu dimitian ti akhir kajadian nepi ka awal kajadian.
• Galur campuran : campuran tina galur maju jeung galur mundur.
• Gaya basa: basa anu dipaké pengarang

B. Unsur Ekstrinsik.

      Ari unsur ekstrinsik mah unsur-unsur anu aya di luar carita novel. Unsur ekstrinsik mah biasana 

      ngungkapkeun tentang unsur-unsur di masarakat, anu aya dina eta carita. Jadi urang kudu 

      nyimpulkeun sorangan unsur ekstrinsik tina carita nu geus aya. Unsur-unsur di masarakat teh 

      contona unsur ageman, unsur moral, unsur budaya, jsb.

     Unsur-unsur ekstrinsik dina novel nya eta:

1.   Kasang tukang pangarang.
2.  Wayah sarta tempat pangarang nulis caritana.
3.  Unsur budaya, moral, ageman, pulitik, sosial, atikan.
4.  Identitas buku.