MACA WARTA

Padika Maca Warta

Hal-hal anu kudu diperhatikeun lamun urang maca warta boh dina radio atawa TV:

1.       Kudu bisa maca naskah warta, lantaran ditulisna rada béda jeung tulisan séjén terutama dina ngalarapkeun tanda baca. Mun dina warta surat kabar citak saperti koran atawa majalah, tanda koma (,) atawa titik (.) téh nya tanda koma jeung titik baé. Tapi béda pikeun tanda baca dina warta bacakeuneun penyiar atawa juru warta media éléktronik mah, koma téh dicicirian ku gurat condong hiji (/), titik ditandaan ku gurat condong dua (//)

2.       Kudu alus peta jeung dangdanan. Sora kudu halimpu, ngoncrang, jeung béntés.

3.       Kudu alus artikulasin lentong, jeung randegan kalawan sora ngoncrang.

4.    Hal-hal anu patalina jeung téhnis biasana ditangtukeun ku unggal stasiun TV atawa radio, saperti cara diuk, merenahkeun mik, jste.

TEKS WARTA (TĚKS PIKEUN PRAKTIK WARTA)

      Di handap ieu aya teks warta pikeun hidep praktik maca warta. Pikeun conto hidep bisa ngaregepkeun video maca warta nu dicontoan ku babaturan hidep dina link ieu:

 https://youtu.be/F7SXOqwsSpM

VIDIO	AUDIO
Penyiar	**SAMPURASUN//PAMIARSA/LIMA WARTA NU PARANTOS DUGI KA MĚJA REDAKSI BANDUNG TV/SEJA KASANGGAKEUN DINA PIDANGAN WARTA KU BASA SUNDA/TANGGARA PASUNDAN//ĚDISI SENĚN/KAPING DALAPAN MARET 2020//SIMKURING PUN YENI HERLINA/NU BARIS NGADUGIKEUN WARTA SALENGKEPNA//
	-----VOICE OVER-----
	ĚTA NU DARĚMO TĚH/NGAGEGEKAN BURUAN POLDA JABAR/DINA ORASINA/ANU ARUNJUK RASA NGADONGSOK/SANGKAN POLDA BISA SAGANCANGNA NGARĚNGSĚKEUN KASUS KORUPSI BANTUAN SOSIAL ATAWA BANSOS KABUPATĚN BANDUNG/LANTARAN DINA ERONGANANA/DANA A-P-B-D KABUPATĚN BANDUNG TAUN 2019/2020 NU NITIH 3 MILIAR TĚH GEUS DIKORUPSI/ĚTA UNJUK RASA KUNGSI DIEUREUNKEUN KU PULISI LANTARAN ĚTA MAHASISWA TĚH ARASUP KA BURUAN GEDUNG POLDA JABAR .
	------JEDA GAMBAR-------
	BASA PARA MAHASISWA RĚK NULUYKEUN DEUI ORASINA/ PIHAK PULISI LANGSUNG NGEUREUNKEUN ĚTA UNJUK RASA// PULISI BOGA ANGKEUHAN/ YĚN ĚTA UNJUK RASA TĚH DILAKONAN DI LINGKUNGAN KERJA TUR NGAGANGGU KARYAWAN NU KEUR DIGARAWĚ// LAIN TI ĚTA/ APARAT GĚ MEREDIH SANGKAN MAHASISWA ASUP KA GEDUNG/ PIKEUN NEPIKEUN ORASINA LANGSUNG KA KAPOLDA// TAPI/ ĚTA NU ARUNJUK RASA TĚH KEUKEUH HAYANG NGALAKONAN ORASINA DI BURUAN// ANTUKNA MAH/ ĚTA PULISI TĚH JADI SILIHERENGAN// PULISI GĚ KUNGSI NGANCAM/ SAUPAMA NU ARUNJUK RASA TEU DAĚK ASUP NEPUNGAN KAPOLDA/ UNJUK RASA BARIS TEU DAĚK ASUP NEPUNGAN KAPOLDA/ UNJUK RASA BARIS DI BUBARKEUN// ANTUKNA MAH/ ĚTA NU ARUNJUK RASA TĚH DAĚK ASUP KA GEDUNG PIKEUN NEPIKEUN PANGDONGSOKNA
	------JEDA GAMBAR------
	PAMUNGKAS **PAMIARSA/ TANGGARA PASUNDAN DINTEN IEU/ URANG CEKAPKEUN DUGI KA DIEU// AYA SAUR TI SEPUH URANG// “DI NU KIWARI NGANCIK NU BIHARI// SEJA AYEUNA SAMPEUREUN JAGA”// MUGIA JANTEN LENYEPANEUN KANGGO URANG SADAYA// NGAWAKILAN NU NGOKOLAKEUN TANGARA PASUNDAN/ SIM KURING PUN YENI HERLINA/ SEJA AMIT MUNGKUR AMIT MUNDUR// **WASSALAMUALAIKUM WR. WB//HURIP SUNDA!